ഗന്ധർവ്വ ഗീതങ്ങൾ 3

ഉള്ളിലെല്ലാം ഭദ്രമെന്ന് ഊറ്റം കൊള്ളുന്ന ഒരുവളുടെ പ്രണയത്തെ
നീർച്ചുഴിയിൽ നിന്നെന്നവണ്ണം പിടിച്ചെടുത്തവനാണ് നീ...
തോന്നിയപടി മാറി മറിയുന്ന എന്നിലെ
വകഭേദങ്ങളോട് കൂറു പുലർത്തുന്നവൻ..
പരിഭവങ്ങളുടെ ചില്ലുപെട്ടി കിലുങ്ങി
തുടങ്ങുമ്പോൾ നീ കൂട്ടുകാരനാവും....
പ്രണയത്താൽ ചേർന്നിരിക്കുമ്പോൾ
നീയെന്റെ ഹൃദയത്തിന്റെ ഉടയോനാണ് .....
വാത്സല്യത്തിന്റെ തേനൂറുമ്പോൾ
എന്നിൽ പുനർജനിച്ച കുഞ്ഞായി
മാതൃത്വത്തിന് മറ്റൊരു മാനം നൽകും....
എന്റെ വാശികളോട് മല്ലിട്ട് തോൽക്കുമ്പോൾ
നീയെന്റെ കൂടപ്പിറപ്പോയെന്ന് അതിശയമൂറും ...
ദേഷ്യത്താൽ മഴകണക്കെ പെയ്തൊഴിയുമ്പോൾ
കർക്കശക്കാരനായൊരു ഗൃഹനാഥനാവും....
നീയെന്നിൽ ഇത്രമേൽ ഉഴചേർന്ന ആത്മപങ്കാളിയായിരിക്കെ
 എത്രയെത്ര ഭാവങ്ങളിലാണ് നിറഞ്ഞുകവിയുന്നത്.... 💚💚