ഗന്ധർവൻ

ഒരേയൊരു ശ്വാസത്തിന്റെ ദൂരത്തിൽ,
എന്റെ നെഞ്ചിടിപ്പിന്റെ താളമളന്ന്
കൊതിപ്പിക്കുന്ന ഇലഞ്ഞിപ്പൂ ഗന്ധവുമായി അയാളെന്റെകൂടെയുണ്ട്.
പരിചിതമല്ലാത്ത ഏതോ ഭാഷയിൽ പേരു ചൊല്ലി വിളിക്കുന്നു. വാക്കുകളിൽ പ്രണയം രുചിക്കുന്നു.... നിശ്വാസങ്ങൾ പരസ്പരം പുണരുമാറ് അയാളെന്നെ ചേർത്തു പിടിച്ചിട്ടുണ്ട്... എന്റെ കൈപ്പടത്തിൽ വിരലോടിക്കുന്നു...
ഇടയ്ക്കിടെ നെറ്റിത്തടത്തിൽ ചുണ്ടുകൾ പടരുന്നു.
ആദ്യ പ്രണയത്തിലേതെന്ന പോലെ
ഞാൻ അയാളിലേക്ക് കൂപ്പുകുത്തുന്നു ....
മന്ത്രിക വലയത്തിന്റെ ഇഴകൾ അടുക്കുന്നു.... 
കഴുത്തറ്റം നീളുന്ന മുടിയിഴകളുള്ള ഗന്ധർവന്റെ അവസാന ഇരയാവുന്നു....